Аддзяленне паштовай сувязі Урэчча неаднаразова прызнавалася адным з лепшых у раёне

Дзе нарадзілася, там і спатрэбілася

ПРАФЕСІЮ паліграфіста Таццяна МАЛАШ асвоіла ў Мінскім дзяржаўным прафесійна-тэхнічным каледжы імя Веры Харужай і атрымала накіраванне на працу ў Асіповіцкую раённую друкарню. Амаль кожныя выхадныя цягніком ездзіла да бацькоў у гарадскі пасёлак Урэчча. Сустракалася з сябрамі. А неўзабаве замуж выйшла і вярнулася на малую радзіму, што ў Любанскім раёне. Загадвала гаспадарчай часткай дзіцячага садка. А калі яго закрылі, Таццяна Уладзіміраўна стала паштальёнам. Гэтая справа ёй знаёма з дзяцінства — маці Ніна Мікіцічна Карпіевіч да выхаду на пенсію працавала паштальёнам.

Начальнік аддзялення паштовай сувязі Таццяна МАЛАШ.

З ПЕРАХОДАМ на камп’ютарнае абслугоўванне кліентаў Таццяна Уладзіміраўна хутка засвоіла новую тэхніку і стала аператарам, а потым і ўзначаліла другое аддзяленне паштовай сувязі Урэчча. Шаснаццаты год працуе ў гэтым калектыве, які неаднаразова прызнаваўся адным з лепшых у раёне. Дзякуючы старанню паштовых работнікаў тут сёлета павялічана колькасць сяброў нашага выдання. Амаль два дзясяткі экзэмпляраў “Сельской газеты” выпісваюць жыхары Урэчча.

Фота аўтара.
Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter