Дыплом БДУIР з амерыканскай прапіскай

Заняткі ў Чыкагскім філіяле БДУІР пачаліся ўжо ўчора. Рэктар ВНУ Міхаіл Батура віртуальна пазнаёміўся з першакурснікамі і прадставіў ім беларускіх цьютараў.

Першая група сфармавана з 10 жыхароў штата Ілінойс. Плануецца, што на працягу года будуць арганізаваны яшчэ некалькі груп. У цэлым жаданне навучацца ўжо выказалі 57 чалавек. Амерыканцы пройдуць навучанне па спецыяльнасці “праграмуемыя мабільныя сістэмы” і па заканчэнні атрымаюць дыплом БДУІР. Праграма на англійскай мове, расказалі ў прэс-службе ВНУ, цалкам распрацавана беларускімі выкладчыкамі.

Нагадаем, філіял беларускага ўніверсітэта быў адкрыты 22 красавіка гэтага года. Дзейнічае ён на базе Інстытута камп’ютарных сістэм (Чыкага), якім кіруе выпускніца БДУІР Эла Зібіцкер.

Заметили ошибку? Пожалуйста, выделите её и нажмите Ctrl+Enter