Хлопчык ведаў правілы, але ўсё роўна не спешыўся на пераходзеНа канікулах многія дзеці папросяць у бацькоў веласіпеды, скейт, ролікі ці самакаты. І бацькі купяць. Прытым не ўсе растлумачаць, дзе можна катацца, а дзе нельга.
— Дзяцей да шасці гадоў адных катацца лепш не адпускаць, — зыходзячы з вопыту афармлення ДТЗ, раіць старшы інспектар ДПС АДАІ Цэнтральнага РУУС Мінска Дзяніс Драгун. — Хоць хуткасць руху аўтамабіляў на дваровых тэрыторыях абмежаваная да 20 км/г, і гэтага дастаткова, каб нанесці малышу сур'ёзныя траўмы.
Збочваем у двор дома на вуліцы Мястроўскай, 29. Два тыдні таму тут адбылося ДТЗ. Бацькі з'ехалі ў камандзіроўку ў Кітай, а сямігадовага сына пакінулі пад апекай бабулі і старэйшага брата. Хлопчык паехаў катацца на веласіпедзе. З-за прыпаркаваных ля абочыны машын нечакана выруліў на праезную частку, па якой рухаўся аўтамабіль. Вадзіцель ехаў з дазволенай хуткасцю... Дзіця ў выніку пацярпела і трапіла ў бальніцу.
Перамяшчаемся на вуліцу Камайскую. Мікрараён новы, маладых сем'яў тут шмат, адпаведна, і дзяцей на вуліцы шмат. Заўважаем, як васьмігадовы Максім, які ў гэтым годзе заканчвае другі клас, на сваім веласіпедзе не спешыўся на пераходзе.
— Дзецям да 14 гадоў выязджаць на веласіпедах на дарогі агульнага карыстання наогул забаронена, — папярэджвае школьніка Дзяніс Драгун. — Катацца можна толькі на дваровых тэрыторыях.
Дзяніс ДРАГУН: «Дзіцячы фактар не варта выключаць. Нават самае паслухмянае дзіця здзяйсняе неабдуманыя ўчынкі»Максім абяцае больш так не рабіць і заварочвае ў двор свайго дома на вул. Камайскую.
Мяняем месца дыслакацыі. Падчас дарогі Дзяніс Драгун разважае:
— Дзіцячы фактар не варта выключаць. Нават самае паслухмянае дзіця здзяйсняе неабдуманыя ўчынкі. Калі на праезную частку выкаціцца мяч, ён можа і не ўспомніць аб небяспецы. Да таго ж дзеці любяць не пераходзіць, а перабягаць праезную частку. Ім здаецца, чым хутчэй перабяжыш, тым хутчэй апынешся ў бяспецы...
Читайте также
Праязджаем уздоўж вадасховішча Дразды, інспектар раптам заводзіць размову пра тое, што ключы ад аўтамабіля на бачным месцы лепш не пакідаць. Так, мінулым летам палова на трэцюю гадзіну ночы на адным з пляжаў вадасховішча Дзяніс Драгун затрымаў 14-гадовага падлетка за рулём татавага Ford. У салоне, акрамя непаўналетняга вадзіцеля, было дзевяць падлеткаў. «Бацькі з'ехалі да бабулі, а мы вырашылі з'ездзіць на пляж пакупацца», — патлумачыў падлетак… Справа скончылася пастаноўкай яго на ўлік ў інспекцыі па справах непаўналетніх.
...На канікулах многіх школьнікаў адвязуць да бабуль і дзядуляў у вёскі ці на дачы. Там бацькі могуць даць першыя ўрокі дзецям па ваджэнні аўтамабіля.
— Дзіця ў такіх сітуацыях звычайна садзяць на калені, пры гэтым не прышпільваюць. У выпадку, калі на дарогу выскачыць сабака, бацька інстынктыўна націсне на тормаз. У выніку дзіця разаб'е твар аб руль, а бацька яшчэ і прыдавіць яго сваёй вагой. Без траўмаў такія ўрокі рэдка заканчваюцца, — папярэдзіў Дзяніс Драгун.
Некаторыя вадзіцелі з пачаткам канікул думаюць, што ля школ больш не трэба выконваць правілы, якія дзейнічаюць падчас навучальнага года. Аднак у многіх школах і гімназіях працуюць летнія лагеры. Пад'язджаем да гімназіі № 16 на вуліцы Л.Украінкі, 2. Прылеглая да школы тэрыторыя застаўлена машынамі. З парушальнікамі змагаюцца самым дзейсным спосабам — эвакуіруюць іх аўтамабілі на штрафстаянку.
Читайте также
— Тут жа «зебра». І знак стаіць... — хлопчык наіўна мяркуе, быццам усе вадзіцелі аднолькава законапаслухмяныя.
— Калі пешаходнага пераходу няма, што асабліва актуальна для дач і вёсак, то пераходзіць дарогу трэба на скрыжаванні па лініі тратуараў ці абочын. Калі паблізу няма ні скрыжавання, ні пешаходнага пераходу, то пераходзіць дарогу трэба па найкарацейшай траекторыі на ўчастку, дзе яна добра праглядаецца ў абодва бакі, — вучыць Дзяніс Драгун няўважлівага школьніка.
Наколькі добра дзеці засвоілі такія ўрокі, пакажуць лета і зводка ДТЗ.
gorbatenko@sb.by
