На территории Мирского замка пройдет праздник любителей ретромотоциклов

Заўтра на тэрыторыі музея «Замкавы комплекс «Мір» пройдзе VIII Міжнароднае ­свята аматараў рэтраматацыклаў «Кола часу». Удзельнікі фестывалю не толькі прэзентуюць на выставе гістарычную тэхніку, абмяняюцца вопытам яе рэканструкцыі і аднаўлення, але і здзейсняць куль­турна-гістарычнае падарожжа «Дарогамі Міра — дарогамі дабра». У планах — наведаць замкі ў Навагрудку і Любчы.

Пасля вяртання матацыклістаў на тэрыторыю Мірскага замка адбудзецца ўрачыстае ўзнагароджанне ўдзельнікаў свята. Завершыцца «Кола часу» жывым музычным канцэртам. Ва ўнутраным дворыку замка выступіць эстрадна-джазавы ансамбль ­«Паноптыкум», які быў створаны ў 1989 годзе ў Баранавічах таленавітым чалавекам, выдатным педагогам, настаўнікам дзіцячай музычнай школы № 3 Аляксандрам Бондарам. У 1995 го­дзе творчаму калектыву прысвоена ­ганаровае званне «народны». Ансамбль пастаянна папаўняе рэпертуар, рупліва працуе над удасканаленнем выканальніцкага майстэрства ўдзель­нікаў. Ён неаднаразова станавіўся  лаўрэатам прэстыжных міжнародных і рэспубліканскіх конкурсаў і фесты­валяў і з’яўляецца чаканым госцем на культурных мерапрыемствах у розных кутках краіны.

mila@sb.by