Народная газета

Дапамога ў квадраце

Беларусбанк прыступіў да заключэння крэдытных дагавораў згодна з Указам № 240 аб адрасным субсідзіраванні ў жыллёвым будаўніцтве. Адказваючы на пытанне, чаму менавіта ў Беларусбанку стартавалі новыя віды дзяржаўнай падтрымкі грамадзян, дырэктар Дэпартамента крэдытавання насельніцтва банка Віктар Агееў падкрэсліў, што менавіта гэтае ведамства сёння валодае самай шырокай філіяльнай сеткай, а значыць, атрымаць доступ да новай паслугі ёсць магчымасць у найбольш шырокага кола маючых патрэбу:

— Важна, каб чалавек атрымаў дакладны разлік і валодаў поўнай інфармацыяй для ацэнкі сваіх фінансавых магчымасцей. Нашы спецыялісты ў любой установе банка, як у Мінску, так і ў рэгіёнах, усё падрабязна растлумачаць, — запэўніў Віктар Агееў.


Акрамя Беларусбанка, першаадкрывальнікам у новым крэдытаванні выступае Белаграпрамбанк. Усяго на адраснае субсідзіраванне пакуль выдзелена 135 мільёнаў рублёў: 60 млн выдзеліў Беларусбанк, яшчэ 75 млн — Белаграпрамбанк. Гэты аб’ём фінансавання будзе накіраваны на будаўніцтва прыкладна 4 тысяч кватэр. 

Дзяржаўныя жыллёвыя субсідыі будуць прадастаўляцца на выплату часткі працэнтаў за карыстанне крэдытам на будаўніцтва. Шматдзетным жа і маладым сем’ям і дзецям-сіротам будуць гасіцца не толькі працэнты, але і сумы асноўнага доўгу. Памер субсідыі на выплату часткі працэнтаў для сем’яў з трыма непаўналетнімі дзецьмі будзе раўняцца стаўцы рэфінансавання плюс 2%, з чатырма і больш непаўналетнімі дзецьмі — стаўцы рэфінансавання плюс 3%, з трыма і больш дзецьмі да 23 гадоў, дзецям-сіротам і дзецям, якія засталіся без апекі бацькоў, — стаўцы рэфінансавання плюс 2%.

Акрамя таго, сем’ям з чатырма і больш дзецьмі асноўны доўг будзе пагашаны на 100%, з трыма сумесна пражываючымі дзецьмі ва ўзросце да 23 гадоў — на 95%, дзецям-сіротам — на 35%, маладым сем’ям пры нараджэнні аднаго і двух дзяцей — 10 і 20% адпаведна.

Аляксандр Урбановіч

infong@sb.by 

Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?