На выставе, паведамляе БЕЛТА, будзе прадстаўлена 61 літаграфія вядомага іспанскага і французскага мастака Пабла Пікаса з прыватных калекцый Германіі, Бельгіі і Францыі, а таксама яго кераміка з фондаў Нацыянальнага мастацкага музея Беларусі. Экспазіцыя пазнаёміць з работамі асноўных этапаў творчасці майстра: ранняга перыяду, блакітнага перыяду, аналітычнага і сінтэтычнага кубізму, а таксама з эскізамі да самага знакамітага твора мастака «Герніка», серыямі позняй творчасці.
Літаграфіі будуць прадстаўлены пад спецыяльным музейным шклом, якое дазваляе выразна разглядзець дэталі малюнка. Экспазіцыю дапоўняць 25 фотаздымкаў, што адлюстроўваюць эпізоды яркага і насычанага падзеямі жыцця Пікаса: моманты творчасці, адпачынку, зносін з блізкімі. Акрамя таго, на выставе будзе экспанавацца скульптура і кераміка сучасных беларускіх мастакоў Паўла Вайніцкага, Міхаіла Інькова, Дзмітрыя Аганава, Аляксандра Сакалова, Алены Чэпелевай, Ліліі Нішчык. У іх работах можна заўважыць уплыў Пікаса, але кожны з аўтараў, сцвярджаюць арганізатары выставы, валодае сваёй вобразнай мовай, пластыкай і манерай.
mila@sb.by
