Учора пачалі ўключаць ацяпленне ў сацыяльных аб’ектах Мінска — дзіцячых садках, школах, бальніцах. Зусім хутка — з 1 кастрычніка — пацяплее і ў жылых дамах горада. Такое рашэнне прыняў гарвыканкам з улікам неспрыяльнага прагнозу надвор’я. Карэспандэнт «Р» даведалася, у якую суму абыдзецца ацяпленне ў гэтым сезоне.
Учора пачалі ўключаць ацяпленне ў сацыяльных аб'ектах Мінска — дзіцячых садках, школах, бальніцахСвятлана Цімошкіна, намеснік начальніка ўпраўлення камунальнай гаспадаркі і энергетыкі Міністэрства жыллёва-камунальнай гаспадаркі, зазначыла, што да заўтрашняга дня праверку да ацяпляльнага сезона пройдуць усе аб’екты на абслугоў-ванні арганізацый ЖКГ:
— Мы ўжо атрымалі 99 працэнтаў пашпартоў гатоўнасці жылых дамоў, план па рамонце дахаў выкананы на 99,8 працэнта, а стыкаў сценавых панэляў — на 108,9 працэнта. Таксама мы правялі прафілактычны рамонт сістэм ацяплення. Пашпарты гатоўнасці цеплакрыніц атрымалі 99,7 працэнта кацельняў на балансе ЖКГ.
Да заўтрашняга дня праверку да ацяпляльнага сезона пройдуць усе аб'екты на абслугоўванні арганізацый ЖКГ.Начальнік упраўлення эканомікі Міністэрства жыллёва-камунальнай гаспадаркі Наталля Літвінчук назвала прыблізны кошт ацяплення двухпакаёвай тыпавой кватэры. Паводле яе слоў, па цяперашніх тарыфах ён складзе 22,1 рубля.
matuzova@sb.by
