Цяпер штогод паводле рашэння прэзiдыума работнiкаў АПК уручаюцца падарункi на жнiве лепшым камбайнерам, вадзiцелям на адвозцы зерня. Адбываецца ўсё гэта не на клубнай сцэне, а прама ў полi. Па колкай пожнi Iрына iдзе насустрач камбайнерам, каб удзячна пацiснуць iх спрацаваныя рукi, падбадзёрыць слоўкам. А да падарунка дарэчы i жнiўная песня вясковых кабет, i гарачы абед, прывезены ў поле.
У сёлетняе жнiво Iрына Уладзiмiраўна (а выязджала яна разам з iнфармацыйным штабам раёна) уручыла кухонныя камбайны перадавому экiпажу ААТ “Агра-Пелiшча” Уладзiмiру Бяскiшкiну i Сяргею Корзану, якiя першымi ўбралi збожжавыя з 200 гектараў, намалацiўшы пры гэтым больш за 500 тон збожжа.
Як след клапоцiцца прафсаюз аб бяспечных умовах працы аграрнiкаў. На кантролi — пытаннi забеспячэння спецадзеннем, iндывiдуальнымi сродкамi аховы, iнфармацыйнай дакументацыяй па тэхнiцы бяспекi. Райкамам прафсаюза праведзена сёлета 40 праверак, у тым лiку 28 з запрашэннем тэхнiчных iнспектараў абласных галiновых камiтэтаў прафсаюза i абласнога ўпраўлення Дэпартамента па працы.
Пры выпадках вытворчага траўматызму (а яны, на жаль, ёсць) сем’i пацярпелых не застаюцца сам-насам з бядой. Сумы для выплат матэрыяльнай дапамогi, закладзеныя ў прафбюджэт “пярвiчак”, складаюць каля чвэрцi ўсяго гадавога прафсаюзнага каштарысу па аграпрамысловай галiне раёна. Пажар у хаце, мнагадзетная сям’я, дзе адной мацi цяжка падняць на ногi дзяцей, — i тут дапамога прафсаюза прыспешыць.
А як не згадаць пра дабрачынныя акцыi “Прафсаюзы — дзецям”, у рамках якiх прафсаюзныя арганiзацыi раёна штогод аказваюць фiнансавую дапамогу сiротам Бучамлянскай школы-iнтэрната i Пелiшчанскага сацыяльнага прытулку на набыццё школьных прылад, прадуктаў, цацак да калядных свят i Мiжнароднага дня абароны дзяцей.
Пiльная ўвага надаецца i летняму адпачынку дзятвы. Толькi ў загарадных кругласутачных прафсаюзных лагерах гэтым летам аздаравiлася каля 200 дзяцей. На памяншэнне бацькоўскай платы затрачана больш чым 12 млн. рублёў з прафсаюзнага бюджэту раёна.
Каб быць яшчэ блiжэй да людзей працы, аператыўна вырашаць набалелыя праблемы Iрына Дуднiкава два разы на год наладжвае “прамыя лiнii”, выступае з артыкуламi ў раённай газеце, з кансультацыямi па мясцовым радыё. Пытаннi працоўнага заканадаўства, аплаты працы i проста жыццёвыя — чалавек заўжды атрымае кампетэнтны адказ, параду. Пры неабходнасцi на такiя “лiнii” бярэ на падмогу i юрыста. I зазначае, што на сэрцы робiцца цёпла, калi некаму дапамагла, пачула: “дзякуй”...
А свая сямейка? Не пакрыўджана клопатам i ласкай. З мужам — поўнае разуменне. Як жа — бралiся па шчырым каханнi. Сын Сяргей закончыў медыцынскi iнстытут, працуе ўрачом-рэанiматолагам у Камянецкай райбальнiцы. Дачка Алена вучыцца ў восьмым класе гiмназii.
Увiшная гаспадынька, любячая i любiмая — гэта ўсё пра яе. Якiя пiрагi пячэ, якiя мадэльныя ўборы шые на машынцы, якiя кветкi вырошчвае ля дома! А як цягнецца да беларускай песнi... Цi не з-за сваёй вялiкай схiльнасцi да мастацтва паспрыяла, каб занальны агляд абласнога фестывалю работнiкаў АПК, прысвечаны Году мацi, адбыўся напрыканцы верасня менавiта на Камянеччыне. У аграгарадок “Белавежскi” прыехала шэсць самадзейных калектываў, больш за 120 артыстаў з Пружанскага, Брэсцкага раёнаў. Камянеччыну прадставiў самадзейны гурт Белавежскага Дома культуры.
А ў сваiм настольным календары Iрына запiсвае новыя задумкi, адрасы, тэлефоны. Спяшаецца да людзей з дабрынёй у сэрцы.
“Чалавек я не кабінетны...”
Неяк у размове старшыня Камянецкага раённага камiтэта прафсаюза работнiкаў АПК Iрына Дуднiкава з усмешкай зазначыла: “Чалавек я не кабiнетны...” Так, яе часцей можна адшукаць у якой-небудзь гаспадарцы, дзе ў яе ёсць справы i да старшынi, i да iнжынера па тэхнiцы бяспекi, мясцовага прафсаюзнага лiдэра. Iдзе яна на фермы, у майстэрнi, цiкавiцца работай i бытам сельскiх працаўнiкоў, да якiх ставiцца з асаблiвай пашанай. Мо таму, што сама вяскоўка, нарадзiлася ў Бучамлi, i спрадвечнае кола сялянскiх работ ёй добра знаёма. I калi ў 2002 годзе была абрана старшынёй райкама прафсаюза работнiкаў АПК (да гэтага працавала дырэктарам даследчай установы Камянецкай аграхiмiчнай лабараторыi), дала пачатак добрай традыцыi.