Вынiкi працы па арганiзацыi i правядзеннi iнтэлектуальных спаборнiцтваў сярод навучэнскай моладзi былi падведзены ў Мiнiстэрстве адукацыi.
Ва ўступным слове мiнiстр адукацыi Аляксандр Радзькоў падкрэслiў важнасць такiх мерапрыемстваў, паказаў iх дзяржаўную значнасць i акрэслiў праблемнае поле, якое выявiлася пасля дэталёвага аналiзу працы з таленавiтай моладдзю.
Як паведамiлi ў прэс-службе Мiнадукацыi, сярод iх — стварэнне ўмоў для максiмальнага выяўлення вучняў з высокiм iнтэлектуальным патэнцыялам сярод сельскiх школьнiкаў, а таксама навучэнцаў вучылiшчаў i каледжаў незалежна ад ведамаснай прыналежнасцi i форм уласнасцi. Патрэбнасць праводзiць мэтанакiраваную падрыхтоўку настаўнiцкага корпуса па пытаннях выяўлення i развiцця адораных дзяцей i навучэнскай моладзi, вывучаць аўтарскi вопыт вядучых педагогаў краiн, вучнi якiх ужо былi пераможцамi розных алiмпiяд. Адзначалася i неабходнасць матэрыяльнага стымулявання такiх педагогаў.
Акрамя таго, выявiлася яшчэ адна сур’ёзная праблема: патрэбнасць у аказаннi кансультацыйнай дапамогi бацькам адораных дзяцей i навучэнскай моладзi, якiя не зусiм падрыхтаваны да таго, што iх дзiця – вундэркiнд. Псiхалагiчнай падтрымкi патрабуюць i самi ўдзельнiкi алiмпiяд. Яны павiнны быць загартаванымi i падтрыхтаванымi да розных стрэсавых сiтуацый, асаблiва на мiжнародных алiмпiядах.
У заключэнне Аляксандр Радзькоў адзначыў, што праведзеная плённая праца – не завяршэнне, а толькi пачатак напружанай работы з камандамi, якiя паедуць на мiжнародныя алiмпiяды. Iх, дарэчы, у гэтым годзе будзе шэсць: па хiмii (Паўднёвая Карэя), бiялогii (Аргенцiна), матэматыцы (Славенiя), фiзiцы (Сiнгапур), iнфарматыцы (Мексiка), геаграфii (Аўстралiя).
Дагэтуль удзел у 16 рэспублiканскiх алiмпiядах прынялi каля 1,5 тысячы навучэнцаў. Вышэйшыя ўзнагароды — дыпломы першай ступенi — атрымалi больш чым 130 маладых людзей. 17 вучняў з сельскай мясцовасцi атрымалi спецыяльны прыз мiнiстра адукацыi Беларусi.