– Cёлета мы маем намер стварыць не толькі важкі запас травяністых кармоў, але і павысіць рэнтабельнасць зерневых культур, — гаворыць галоўны аграном ААТ “Багушэвічы” Бярэзінскага раёна Іван ТАРАСЕНЯ.
— Якасна падрыхтавалі да палявых работ тэхніку, пасяўны матэрыял, назапасілі дастаткова мінеральных угнаенняў, павысілі свае веды і механізатары.
Усё гэта дазволіла арганізавана пачаць і правесці сяўбу ранніх збожжавых і зернебабовых культур.
Задачу атрымаць па 34 цэнтнеры на круг багушэвіцкія сейбіты лічаць рэальнай.
НА ЗДЫМКАХ: за засыпку збожжа адказвае Віктар КОРЗУН; насенне будучага ўраджаю ў руках галоўнага агранома Івана ТАРАСЕНІ.
Алена ГРОМАВА
Фота аўтара
