З 3 па 17 снежня ў горадзе на Заходняй Дзвіне пройдзе ХХХII Міжнародны музычны фестываль імя І. І. Салярцінскага. Усяго запланаваны чатыры канцэрты.
Сёння традыцыйны форум распачне канцэрт таленавітых выкладчыкаў і навучэнцаў Віцебскага дзяржаўнага музычнага каледжа імя І. І. Салярцінскага. Многія з іх з’яўляюцца лаўрэатамі і дыпламантамі міжнародных і рэспубліканскіх конкурсаў.
У нядзелю, 5 снежня, адбудзецца ўрачыстае адкрыццё фестывалю — перад віцебскай публікай выступіць пераможца XV Міжнароднага конкурсу імя П. І. Чайкоўскага, лаўрэат міжнародных конкурсаў расійскі піяніст Дзмітрый Маслееў. У праграме вечара — творы С. Рахманінава, Дз. Шастаковіча, А. Хачатурана, М. Равеля і М. Петухова.
Несумненна, запомніцца слухачам і выступленне 10 снежня Дзяржаўнага камернага аркестра. Заслужаны калектыў краіны пад кіраўніцтвам Яўгена Бушкова і лаўрэат міжнародных конкурсаў Андрэй Іваноў (фартэпіяна) парадуюць слухачоў музыкай І. Баха, А. Рэспігі і В. Воранава.
У дзень закрыцця фестывалю, 17 снежня, выступіць Дзяржаўны акадэмічны сімфанічны аркестр пад кіраўніцтвам Аляксандра Анісімава. Прагучаць творы І. Стравінскага, І. Баха, Г. Гендэля і І. Брамса.
mila@sb.by
