Агонь ды полымя

У Гродне загарэўся на маршруце аўтобус, ніхто не пацярпеў

У Гродне загарэўся на маршруце гарадскі аўтобус.

Надзвычайнае здарэнне адбылося ў 7.48 у раёне праспекта Касманаўтаў: у маторным адсеку МАЗа разгарэлася полымя.

— Вадзіцель хутка зарыентаваўся і самастойна патушыў агонь, — гаворыць Яўгеній Дудка, начальнік аддзялення агітацыі і прапаганды ДАІ УУС Гродзенскай вобласці. — Ніхто з пасажыраў, хоць гэта і быў час пік, не пацярпеў, людзі самастойна выйшлі на прыпынку з транспарту.

Канчаткова ліквідаваць узгаранне дапамаглі выратавальнікі.

— Хутчэй за ўсё, пажар узнік з-за таго, што разгерметызаваўся паліўны шланг і паліва трапіла на гарачы рухавік, — расказвае Наталля Жывалеўская, прэс-сакратар Гродзенскага абласнога ўпраўлення МНС.

МАЗ пашкоджаны нязначна і таму праз некалькі дзён выйдзе на маршрут.

Заметили ошибку? Пожалуйста, выделите её и нажмите Ctrl+Enter
3.13
Загрузка...
Новости