Брэсцкія мытнікі канфіскавалі абсталявання для дайвінгу на 3 млрд. руб.
Нелегальная знаходка чакала спецыялістаў у аўтамабілі ДАФ, які накіроўваўся ў Расію з Германіі. Кошт абсталявання вагой 9 тон, якое значылася ў дэкларацыі як «зборны груз», у 4 разы перавышаў заяўлены. Выкрыць падман дапамаглі знойдзеныя ў паўпрычэпе дакументы на 2700 адзінак прадметаў для дай-вінгу. Адпаведны заяўленым звесткам груз накіраваўся да месца прызначэння, а вось частку гідракасцюмаў, масак, ластаў і компасаў давялося канфіскаваць.
