Варта адзначыць, што гэта не першая спроба аднавіць станок, на якім друкаваў кнігі Францыск Скарына. Некалькі месяцаў таму, да прыкладу, стала вядома пра вучня мінскай гімназіі № 1 Марка Кодзенева, які разам з бацькам вырабіў паменшаную копію станка часоў беларускага першадрукара. Сыну і бацьку прыйшлося даследаваць багата гістарычных матэрыялаў, каб даведацца, як выглядалі раней наборныя шрыфты і друкаваны станок, а пасля нямала папрацаваць з чарцяжамі і інструментамі, каб станок выдаў першыя літары.
А яшчэ раней, у 2014 годзе, гісторык і калекцыянер Уладзімір Ліхадзедаў здзівіў усіх копіяй Бібліі, надрукаванай на станку, які аднавілі па чарцяжах
XVI стагоддзя. Прыкладна на такім Францыск Скарына друкаваў свае кнігі. У Беларусі гэта адзіны асобнік, у Еўропе падобных адзінкі. Цяпер станок — часты госць на буйных мерапрыемствах кшталту Дня беларускага пісьменства ці Мінскай міжнароднай кніжнай выставы-кірмашу. Дарэчы, 8—9 ліпеня яго можна будзе ўбачыць і нават апрабаваць на свяце “Александрыя збірае сяброў”. У павільёне “Друкарскі двор” усім жадаючым пакажуць, як пяцьсот гадоў таму рабілася папера і друкаваліся кнігі, прапануюць уласнымі рукамі вырабіць экслібрыс, прысвечаны Купаллю.
mila@sb.by