Пятнаццаты год кіруе аддзяленнем паштовай сувязі ў стаўбцоўскай Новай Вёсцы Таццяна Райская. Разам з мужам Мікалаем Іванавічам і сынам Іванам прыехала сюды з далёкай Кустанайскай вобласці Казахстана. Сваякі цёпла прынялі іх. Таццяна Мікалаеўна працавала сакратаром, а потым землеўпарадкавальнікам у Варацішчанскім сельвыканкаме. Пасля выхаду на заслужаны адпачынак начальніка аддзялення паштовай сувязі Новая Вёска Тэрэзы Шчатнюк замяніла яе.
Паважаюць вяскоўцы Таццяну Мікалаеўну за яе ветлівасць і прафесіяналізм. Падтрымлівае яна сувязь са сваімі студэнцкімі сябрамі. На пачатку лета яны вырашылі сустрэцца ў расійскім курортным горадзе Сочы. Таццяна Мікалаеўна ўзяла чарговы адпачынак і адправілася на поўдзень. Будзе што расказаць ёй пра сваю цікавую працу і жыццё ў Прынямонні, якое стала ёй родным.
subbat50@mail.ru
Фота аўтара
