Удзельнiкам i гасцям урачыстасцей Дня беларускага пiсьменства
Паважаныя сябры!
Сардэчна вiншую вас з Днём беларускага пiсьменства.
У Год культуры яго правядзенне набывае асаблiвае значэнне. Увага грамадства засяроджана на неабходнасцi беражлiвага захавання лепшых духоўных здабыткаў, якiя дайшлi да нас праз стагоддзi, i ўзбагачэння нацыянальнай скарбнiцы дасягненнямi нашых таленавiтых сучаснiкаў, бо гiстарычная памяць i гонар за Радзiму служаць трывалым падмуркам для далейшага развiцця краiны.
Сёлета эстафету па правядзеннi мерапрыемстваў прымае Рагачоў — горад, з якiм звязаны лёсы Уладзiмiра Караткевiча, Мiхася Лынькова i Андрэя Макаёнка. Лейтматывам творчасцi гэтых пiсьменнiкаў сталi любоў да роднай зямлi, павага да працавiтых i добразычлiвых людзей.
Упэўнены, багатая праграма свята паслужыць плённаму развiццю беларускага слова i пашырыць рады яго прыхiльнiкаў.
Жадаю ўдзельнiкам i гасцям Дня беларускага пiсьменства творчага натхнення, дабрабыту i поспехаў ва ўсiх справах.
Прэзiдэнт Рэспублiкi Беларусь Аляксандр Лукашэнка.
Советская Белоруссия № 169 (25051). Суббота, 3 сентября 2016