ПРАВОДЗІЛІСЯ яны ў сельгаспрадпрыемстве «Верхнядзвінскі», на ўскрайку поля каля вёскі Гаі, куды прыехалі не толькі ўдзельнікі спаборніцтваў і суддзі, але і кіраўнікі ўсіх гаспадарак з галоўнымі спецыялістамі. А яшчэ — вучні старэйшых класаў сельскіх школ раёна, каб бліжэй пазнаёміцца з хлебаробскай прафесіяй.
Пераможца конкурсу аратых механізатар з КУП СГП «Дрысенскі» Віктар МАЦКЕВІЧ.
Пераможца конкурсу аратых механізатар з КУП СГП «Дрысенскі» Віктар МАЦКЕВІЧ.
Спачатку ўсе праспявалі гімн трактарыстаў. Потым намеснік начальніка райсельгасхарчу Люцыя Грэсько правяла ўрок, на якім расказала пра гісторыю плуга — з даўніх пор і да сучаснасці. А старшыня райвыканкама Ігар Марковіч, начальнік райсельгасхарчу Уладзімір Быкаў, а таксама кіраўнікі гаспадарак паказалі сваё ўменне запрагаць каня і хадзіць за плугам.
За плугам старшыня Верхнядзвінскага райвыканкама Ігар МАРКОВІЧ.
За плугам старшыня Верхнядзвінскага райвыканкама Ігар МАРКОВІЧ.
У спаборніцтве аратых удзельнічалі 16 механізатараў. Па аднаму з кожнага сельгаспрадпрыемства, а таксама з райаграсэрвісу і льнозавода. Лепшых вызначалі па якасці ворыва. Перамог прадстаўнік КУП СГП «Дрысенскі» Віктар Мацкевіч. Прызёры, а іх было шасцёра, узнагароджаны дыпломамі і грашовымі прэміямі. Адзначаны асобна самы малады араты — дваццацідвухгадовы механізатар КУП СГП «Верхнядзвінскі» Дзмітрый Гласка.
Вырашана зрабіць свята аратых у раёне традыцыйным.
Уладзімір САУЛІЧ, «СГ»
saulich@bk.ru
Фота Валерыя САЛАЎЁВА