Добра, вядома, што ў наш час дзякуючы тэхналогіям і гандлёвым сувязям мы круглы год можам есці любыя фрукты і гародніну. Але згадзіцеся, нішто так не радуе, як з’яўленне сезонных прадуктаў.

Шчаўевы суп — традыцыйная страва кухні ўсходніх славян, вядомая яшчэ з XIII—XIV стагоддзяў. Сёння яна не страціла сваёй актуальнасці. Па-першае, гэта сапраўды смачна. Па-другое, карысна: вітамінаў і мікраэлементаў у шчаўі ўтрымліваецца шмат. Па-трэцяе, даступна: ён расце ў тым ліку ў дзікай прыродзе, а ў горадзе яго можна набыць на любым рынку.
Што цікава, раней такі суп звыйчайна гатавалі пасля Вялікадня: выкарыстоўвалі ў якасці інгрэдыентаў запечанае мяса і вараныя яйкі, якія заставаліся ад святочнага стала. Але мы зробім яго з нуля!
Вам спатрэбіцца:Рубленыя свіныя рэбры кладзём у каструлю, заліваем халоднай вадой і ставім на сярэдні агонь. Даводзім да кіпення і здымаем пену з паверхні. Дадаём лаўровы ліст, соль і варым каля гадзіны.
♦ шчаўе — 400 г
♦ свіныя рэбры — 400 г
♦ бульба — 4—6 шт. (у залежнасці ад памеру)
♦ сярэдняя морква — 1 шт.
♦ сярэдняя цыбуля — 1 шт.
♦ лаўровы ліст — 2 шт.
♦ яйкі — 2 шт.
♦ соль — 1 ч. л.
♦ алей для смажання
Тым часам надзіраем моркву на буйной тарцы, дробна наразаем цыбулю — смажым іх на алеі да мяккасці. Яйкі адварваем укрутую 10 хвілін.
Бульбу наразаем невялічкімі кавалачкамі, дадаём яе ў булён разам з морквай і цыбуляй. Варым хвілін 20—25.
Добра прамываем (лепш некалькі разоў) шчаўе, рубім вялікімі кавалкамі, таксама дадаём у суп, добра перамешваем. Пяць хвілін — і гатова!
Перад падачай на стол чысцім яйкі, распалавіньваем — кладзём палавінку ў кожную талерку. Пасля наліваем суп, а зверху — лыжачку смятанкі.
Шчаўе падчас варкі губляе свой насычаны зялёны колер, але не смак — характэрная кіслінка застаецца, яна добра адцяняе мяса і яйкі.
kurak@sb.by